La venta de pitos cai un 32,6%

Los resultaos de la venta de paquetes de tabacu del mes de xineiru, el premeiru tres que tuviera encesa la llei antitabacu, asoleyan una merma del 32,6% al respective d'avientu de 2010, ensegún los datos del Comisionáu pal Mercáu de Tabacos del Menisteriu d'Economiya ya Facienda. Por premer ve'l númaru de paquetes vendíos nun mes baxa de los 200 millones.
El voceiru del Comité Nacional de Prevención del Tabaquismu cuida que las cifras son meyores de lu qu'asperaban. Aquestas tamién asoleyan qu'escamuda'l consumu de tabacu, por mor de que la venta del de febra ou'l de pipa enantóu nun 38%. Outru posibre efeutu de la llei, el del emplegu en cantinas ya ristoranes, medróu nun 0,2%, a la escontra del desaniciu de puestos de trabayu qu'albedriaban los hosteleros.