Ismael Álvarez torna a apresentase

Cuida que la xestión del untamientu de Ponferrada anguañu yía badanas ya sele, ya que nun hai comunicación cola xente, al tiempu que mienta que’l sou socesor salíu del sucu del proyeutu escomenciáu en 1995. Eillo puxóu a Ismael Álvarez a volvere a la política más d’ochu años dispuéis de que dexara’l cargu.
Tres intentare inxerise nas llistas del PP, pa lo que falóu con deillos derixentes del PP, foi refugáu pol presidente autonómicu del partíu, Juan Vicente Herrera, que-ye zarróu las puertas. Poro, aniciará una candidatura independiente na qu’habrá presonas “moderadas ya d’estremaos ámbitos idiolóxicos".
Álvarez agradecíu a las formaciones que, cumo Unión del Pueblo Leonés, ye-ufreciorun el númaru unu nas suas llistas. Amás de puxare porque Ponferrada espierte de lu qu'él ñoma "abandonu", quier da-ye un emburrión al emplegu ya a la Nuversidá de Llión, de la que diz que s’alcuentra "allancada" dende que marchóu en 2002.